རྫོང་ཁག་གི་སྐོར།
དར་དཀར་ན་རྫོང་ཁག་འདི་ སྔོ་ལྗང་དང་ལྡན་པའི་རྫོང་ཁག་གཅིག་ཨིནམ་དང་ བརྒྱ་ཆ་ལས་ ༨༠ དེམ་ཅིག་ ནགས་ཚལ་གྱི་ཁྱབ་སྟེ་ཡོདཔ་ཨིན། ཤིང་གི་རིགས་ཡང་ ས་ཀྲག་ཡོད་མི་ ༼ཅེཕ། Champ ཨུ་གུ་རི། Augury ཅིར་པའིན Chirpine དང་ སཱལ Sal༽ ཚུ་ རྫོང་ཁག་གི་ས་ཁོངས་གེ་ར་ནང་སྐྱེཝ་ཨིན། དར་དཀར་ན་རྫོང་ཁག་འདི་ རྒྱལ་ཁབ་ཀྱི་ ལྷོ་མཚམས་ཀྱི་ས་མཚམས་ཚུ་ནང་བསྣར་ཏེ་ཡོདཔ་དང་། ཐིམ་ཕུག་དང་ དབང་འདུས་འཕོ་བྲང་རྫོང་ཁག་ལུང་གཤོང་གི་མཇུག་ལུ་ཆགས་ཏེ་ཡོདཔ་ཨིན།
ས་གནས་འདི་གི་མིང་ཡང་ དར་དཀར་བཀྲིས་གཡང་རྩེ་རྫོང་ལས་ཐོབ་ཡོདཔ་དང་ དེ་ཡང་ སྤྱི་ལོ་ ༡༩༥༡ ལུ་ ང་ཅས་དཔལ་ལྡན་འབྲུག་གི་རྒྱལ་ཁབ་ དབང་དུ་བསྡུས་མི་ ཞབས་དྲུང་ངག་དབང་རྣམ་རྒྱལ་མཆོག་གིས་ གཞི་བཙུགས་མཛད་ཡོདཔ་ཨིན། རྒྱལ་རབས་དང་ལྡན་པའི་ ངོ་རྟགས་ཅན་གྱི་རྫོང་གཞིས་འདི་རྫོང་ ད་ལྟོའི་བར་ན་ཡང་ རྫོང་ཁག་བདག་སྐྱོང་གི་ལྟེ་བ་ཅིག་སྦེ་ར་ལཱ་འབདཝ་ཨིན། རྫོང་ཁག་འདི་ནང་ མི་རིགས་སྡེ་ཚན་གཙོ་བོ་ སྔ་ལོཔ་དང་ལྷོ་མཚམས་པ་གཉིས་གནས་ཏེ་ཡོདཔ་ཨིན། རྫོང་ཁག་ནང་ལུ་ ལོ་ངོ་ཧེ་མ་ ལུང་ཕྱོགས་སོ་སོ་ལས་ གནས་སྤོ་སྟེ་ཡོད་རུང་ འདི་གིས་ སྔར་སྲོལ་གྱི་ལམ་སྲོལ་དང་ དུས་སྟོན་གསརཔ་ངོ་སྤྲོད་འབད་ཐོག་ལས་ ལུང་ཕྱོགས་ནང་ ལམ་སྲོལ་སྣ་ཚོགས་དང་ལྡནམ་སྦེ་བཟོ་ཡོདཔ་ཨིན།
དར་དཀར་ན་རྫོང་ཁག་ནང་ སྤྲོ་བ་ཆེ་ཏོག་ཏོ་དང་ཡ་མཚན་ཆེ་བའི་གནད་ཚུ་ཡང་ རྡོ་གནམ་གྱི་ཀཝ། རྡོ་བསྐལ་པའི་སྒོན་ཐེམ། མཐའ་ནམ་མཁའི་རྫོང་གི་ རྡོ་ཆེན་གསུམ་ཡོདཔ་ཨིན། བཤད་སྲོལ་ལས་ དར་དཀར་ན་རྫོང་བཞེངས་པའི་སྐབས་ རྡོ་གནམ་གྱི་ཀཝ་གིས་ རྫོང་བཞེངས་མི་ཚུ་ལུ་ གལ་སྲིད་ རྡོ་ཆེན་འདི་གིས་རྩེ་ལས་ རྫོང་གི་དབུ་རྩེ་འདི་ མཐོ་བ་ཅིན་ རྫོང་ཧྲམ་འགྱོ་འོང་ཟེར་བའི་ བརྡ་འཕྲིན་བཏང་ཡོདཔ་སྦེ་ཨིན་མས། ད་ལྟོའི་བར་ན་ཡང་ རྫོང་གི་གསེར་ཏོག་འདི་ རྡོ་ཆེན་གནམ་གྱི་ཀཝ་གི་རྩེ་དང་ འདྲན་འདྲ་སྦེ་ཡོདཔ་ཨིན་མས།
རྫོང་ཁག་གཞན་བཟུམ་སྦེ་ དར་དཀར་ན་རྫོང་ཁག་ནང་ ནང་པའི་ལྷ་ཁང་དང་དགོན་སྡེ་ཚུ་ཡོདཔ་ཨིན། དེ་ཁར་རྩ་ཅན་གྱི་ལྷ་ཁང་གཉིས་ཡོད་མི་ཡང་ གྲུབ་ཐོབ་ཤྭ་བ་རི་པ་གིས་གཞི་བཙུགས་ཡོད་པའི་ཤྭ་མཐོང་དགོན་པ་དང།་ དུས་རབས་ ༡༨ པའི་ནང་ ཞབས་དྲུང་གསུང་སྤྲུལ་དང་པ་ཕྱོགས་ལས་རྣམ་རྒྱལ་གྱི་གཞི་བཙུགས་ཡོད་པའི་ ཉིན་གདུགས་ཁ་ལྷ་ཁང་གཉིས་ཨིན། གྲུབ་ཐོབ་ཤྭ་བ་རི་པ་འདི་ སྔོན་རབས་ཀྱི་ནང་པའི་སློབ་དཔོན་ ལོ་ ༨༠༠ ལྷག་ཙམ་བཞུགས་ཡོད་མི་ཅིག་ཨིན་མས། སོ་ནམ་ཐོན་ཁུངས་འདི་ རྫོང་ཁག་ནང་སྡོད་མི་ཚུ་གིས་ འཚོ་བའི་མཐུན་རྐྱེན་ངོ་མ་ཅིག་ཨིནམ་དང་ ལུང་ཕྱོགས་འདི་ནང་ ལོ་ཐོག་ ཚལ་ལུ་དང་བྱཱ་ལཱ་འབདཝ་ ཨིན་མས།
